maturaikkAJci

Maturaikkāñci (782 lines)

((Originally extracted from master file ^10PATTU.OCP))
((Last updated on 2004 April 15th))

{matu-1} ōṅku tirai viyaṉ parappiṉ
{matu-2} oli munnīr varampu āka
{matu-3} tēṉ tūṅkum uyar cimaiya
{matu-4} malai nāṟiya viyal ñālattu
{matu-5} valam mātirattāṉ vaḷi koṭpa
{matu-6} viyal nāḷmīṉ neṟi oḻuka
{matu-7} pakal ceyyum ce ñāyiṟu um
{matu-8} iravu ceyyum veḷ tiṅkaḷ um
{matu-9} mai tīrntu kiḷarntu viḷaṅka
{matu-10} maḻai toḻil utava mātiram koḻukka
{matu-11} toṭuppiṉ āyiram vittiyatu viḷaiya
{matu-12} nilaṉ um maraṉ um payaṉ etirpu nanta
{matu-13} nōy ikantu nōkku viḷaṅka
{matu-14} mētaka mika polinta
{matu-15} ōṅku nilai vaya kaḷiṟu
{matu-16} kaṇṭu taṇṭā kaṭku iṉpattu
{matu-17} uṇṭu taṇṭā miku vaḷattāṉ
{matu-18} uyar pūrima viḻu teruvil
{matu-19} poy aṟiyā vāymoḻiyāl
{matu-20} pukaḻ niṟainta nal māntaroṭu
{matu-21} nal ūḻi aṭi paṭara
{matu-22} pal veḷḷam mīkkūṟa
{matu-23} ulakam āṇṭa uyarntōr maruka
{matu-24} piṇam kōṭṭa kaḷiṟṟu kuḻumpiṉ
{matu-25} niṇam vāy peyta pēymakaḷir
{matu-26} iṇai oli imiḻ tuṇaṅkai cīr
{matu-27} piṇai yūpam eḻuntu āṭa
{matu-28} añcuvanta pōr kaḷattāṉ
{matu-29} āṇ talai aṇaṅku aṭuppiṉ
{matu-30} vaya vēntar oḷ kuruti
{matu-31} ciṉam tīyiṉ peyarpu poṅka
{matu-32} teṟal arum kaṭum tuppiṉ
{matu-33} viṟal viḷaṅkiya viḻu cūrppiṉ
{matu-34} toṭi tōḷ kai tuṭuppu āka
{matu-35} āṭuṟṟa ūṉ cōṟu
{matu-36} neṟi aṟinta kaṭi vāluvaṉ
{matu-37} aṭi otuṅki piṉ peyarā
{matu-38} paṭaiyōrkku muruku ayara
{matu-39} amar kaṭakkum viyaṉ tāṉai
{matu-40} teṉṉavaṉ peyariya tuṉ arum tuppiṉ
{matu-41} tol mutu kaṭavuḷ piṉṉar mēya
{matu-42} varai tāḻ aruvi poruppiṉ poruna
{matu-43} viḻu cūḻiya viḷaṅku ōṭaiya
{matu-44} kaṭum ciṉatta kamaḻ kaṭāattu
{matu-45} aḷaṟu paṭṭa naṟum ceṉṉiya
{matu-46} varai maruḷum uyar tōṉṟala
{matu-47} viṉai naviṉṟa pēr yāṉai
{matu-48} ciṉam ciṟantu kaḷaṉ uḻakka um
{matu-49} mā eṭutta mali kurūu tukaḷ
{matu-50} akal vāṉattu veyil karappa um
{matu-51} vām pariya kaṭum tiṇ tēr
{matu-52} kāṟṟu eṉṉa kaṭitu koṭpa um
{matu-53} vāḷ miku maṟam maintar
{matu-54} tōḷ muṟaiyāṉ vīṟu muṟṟa um
{matu-55} iru peru vēntaroṭu vēḷir cāya
{matu-56} porutu avarai ceru veṉṟu um
{matu-57} ilaṅku aruviya varai nīnti
{matu-58} curam pōḻnta ikal āṟṟal
{matu-59} uyarntu ōṅkiya viḻu ciṟappiṉ
{matu-60} nilam tanta pēr utavi
{matu-61} polam tār mārpiṉ neṭiyōṉ umpal
{matu-62} maram tiṉṉūu varai utirkkum
{matu-63} narai urumiṉ ēṟu aṉaiyai
{matu-64} arum kuḻu miḷai kuṇṭu kiṭaṅkiṉ
{matu-65} uyarntu ōṅkiya nirai putaviṉ
{matu-66} neṭu matil nirai ñāyil
{matu-67} ampu umiḻ ayil aruppam
{matu-68} taṇṭātu talai ceṉṟu
{matu-69} koṇṭu nīṅkiya viḻu ciṟappiṉ
{matu-70} teṉ kumari vaṭa perum kal
{matu-71} kuṇa kuṭa kaṭal ā ellai
{matu-72} toṉṟu moḻintu toḻil kēṭpa
{matu-73} veṟṟamoṭu veṟuttu oḻukiya
{matu-74} koṟṟavar tam kōṉ ākuvai
{matu-75} vāṉ iyainta iru munnīr
{matu-76} pēem nilaiiya irum pauvattu
{matu-77} koṭum puṇari vilaṅku pōḻa
{matu-78} kaṭum kāloṭu karai cēra
{matu-79} neṭum koṭi micai itai eṭuttu
{matu-80} iṉ icaiya muracam muḻaṅka
{matu-81} poṉ malinta viḻu paṇṭam
{matu-82} nāṭu āra naṉku iḻitarum
{matu-83} āṭu iyal peru nāvāy
{matu-84} maḻai muṟṟiya malai puraiya
{matu-85} tuṟai muṟṟiya tuḷaṅku irukkai
{matu-86} teḷ kaṭal kuṇṭu akaḻi
{matu-87} cīr cāṉṟa uyar nelliṉ
{matu-88} ūr koṇṭa uyar koṟṟava
{matu-89} nīr tevvum nirai toḻuvar
{matu-90} pāṭu cilampum icai ēṟṟa
{matu-91} tōṭu vaḻaṅkum akal āmpiyiṉ
{matu-92} kayaṉ akaiya vayal niṟaikkum
{matu-93} mel toṭai vaṉ kiḻāar
{matu-94} atari koḷpavar pakaṭu pūṇ teḷ maṇi
{matu-95} irum puḷ ōppum icai ē eṉṟum
{matu-96} maṇi pū muṇṭakattu maṇal mali kāṉal
{matu-97} paratavar makaḷir kuravaiyoṭu olippa
{matu-98} oru cār viḻavu niṉṟa viyal āṅkaṇ
{matu-99} muḻavu tōḷ muraṇ porunarkku
{matu-100} uru keḻu perum ciṟappiṉ
{matu-101} iru peyar pēr āyamoṭu
{matu-102} ilaṅku maruppiṉ kaḷiṟu koṭuttu um
{matu-103} polam tāmarai pū cūṭṭi um
{matu-104} nalam cāṉṟa kalam citaṟum
{matu-105} pal kuṭṭuvar vel kō ē
{matu-106} kal kāyum kaṭu vēṉiloṭu
{matu-107} iru vāṉam peyal oḷippiṉum
{matu-108} varum vaikal mīṉ piṟaḻiṉum
{matu-109} veḷḷam māṟātu viḷaiyuḷ peruka
{matu-110} nelliṉ ōtai arinar kampalai
{matu-111} puḷ imiḻntu olikkum icai ē eṉṟum
{matu-112} calam pukaṉṟu cuṟavu kalitta
{matu-113} pulavu nīr viyaṉ pauvattu
{matu-114} nilavu kāṉal muḻavu tāḻai
{matu-115} kuḷir potumpar naḷi tūval
{matu-116} nirai timil vēṭṭuvar karai cēr kampalai
{matu-117} irum kaḻi ceṟuviṉ veḷ uppu pakarnaroṭu
{matu-118} oli ōvā kali yāṇar
{matu-119} mutuveḷḷilai mīkkūṟum
{matu-120} viyal mēval viḻu celvattu
{matu-121} iru vakaiyāṉ icai cāṉṟa
{matu-122} ciṟukuṭi perum toḻuvar
{matu-123} kuṭi keḻīiya nāl nilavaroṭu
{matu-124} toṉṟu moḻintu toḻil kēṭpa
{matu-125} kāl eṉṉa kaṭitu urāay
{matu-126} nāṭu keṭa eri parappi
{matu-127} ālaṅkāṉattu añcuvara iṟuttu
{matu-128} aracu paṭa amar uḻakki
{matu-129} muracu koṇṭu kaḷam vēṭṭa
{matu-130} aṭu tiṟal uyar pukaḻ vēntu ē
{matu-131} naṭṭavar kuṭi uyarkkuvai
{matu-132} ceṟṟavar aracu peyarkkuvai
{matu-133} pēr ulakattu mēem tōṉṟi
{matu-134} cīr uṭaiya viḻu ciṟappiṉ
{matu-135} viḷaintu mutirnta viḻu muttiṉ
{matu-136} ilaṅku vaḷai irum cēri
{matu-137} kaḷ koṇṭi kuṭi pākkattu
{matu-138} nal koṟkaiyōr nacai poruna
{matu-139} ceṟṟa tevvar kalaṅka talai ceṉṟu
{matu-140} añcu vara taṭkum aṇaṅku uṭai tuppiṉ
{matu-141} kōḻ ūuṉ kuṟai koḻu valci
{matu-142} pulavu vil poli kūvai
{matu-143} oṉṟumoḻi oli iruppiṉ
{matu-144} teṉ paratavar pōr ēṟu ē
{matu-145} ariya ellām eḷitiṉiṉ koṇṭu
{matu-146} uriya ellām ōmpātu vīci
{matu-147} naṉi pukaṉṟu uṟaitum eṉṉātu ēṟṟu eḻuntu
{matu-148} paṉi vār cimaiya kāṉam pōki
{matu-149} akam nāṭu pukku avar aruppam vauvi
{matu-150} yāṇṭu pala kaḻiya vēṇṭu pulattu iṟuttu
{matu-151} mēmpaṭa marīiya vel pōr kurucil
{matu-152} uṟu ceṟunar pulam pukku avar
{matu-153} kaṭi kāviṉ nilai tolaicci
{matu-154} iḻipu aṟiyā perum taṇ paṇai
{matu-155} kurūu koṭiya eri mēya
{matu-156} nāṭu eṉum pēr kāṭu āka
{matu-157} ā cēnta vaḻi mā cēppa
{matu-158} ūr irunta vaḻi pāḻ āka
{matu-159} ilaṅku vaḷai maṭam maṅkaiyar
{matu-160} tuṇaṅkai am cīr taḻūu maṟappa
{matu-161} avai irunta perum potiyil
{matu-162} kavai aṭi kaṭu nōkkattu
{matu-163} pēymakaḷir peyarpu āṭa
{matu-164} aṇaṅku vaḻaṅkum akal āṅkaṇ
{matu-165} nilattu āṟṟum kuḻūu putaviṉ
{matu-166} arantai peṇṭir iṉaintaṉar akava
{matu-167} koḻum patiya kuṭi tēmpi
{matu-168} ceḻum kēḷir niḻal cēra
{matu-169} neṭu nakar vīḻnta kari kutir paḷḷi
{matu-170} kuṭumi kūkai kurāloṭu murala
{matu-171} kaḻunīr polinta kaṇ akal poykai
{matu-172} kaḷiṟu māy ceruntiyoṭu kaṇpu amaṉṟu ūrtara
{matu-173} nal ēr naṭanta nacai cāl viḷai vayal
{matu-174} pal mayir piṇavoṭu kēḻal ukaḷa
{matu-175} vāḻāmaiyiṉ vaḻi tava keṭṭu
{matu-176} pāḻ āyiṉa niṉ pakaivar tēem
{matu-177} eḻāa tōḷ imiḻ muḻakkiṉ
{matu-178} māa tāḷ uyar maruppiṉ
{matu-179} kaṭum ciṉatta kaḷiṟu parappi
{matu-180} viri kaṭal viyaṉ tāṉaiyoṭu
{matu-181} muruku uṟaḻ pakai talai ceṉṟu
{matu-182} akal vicumpiṉ ārppu imiḻa
{matu-183} peyal uṟaḻa kaṇai citaṟi
{matu-184} pala puravi nīṟu ukaippa
{matu-185} vaḷai narala vayir ārppa
{matu-186} pīṭu aḻiya kaṭantu aṭṭu avar
{matu-187} nāṭu aḻiya eyil vauvi
{matu-188} cuṟṟamoṭu tū aṟuttaliṉ
{matu-189} ceṟṟa tevvar niṉ vaḻi naṭappa
{matu-190} viyaṉ kaṇ mutu poḻil maṇṭilam muṟṟi
{matu-191} araciyal piḻaiyātu aṟam neṟi kāṭṭi
{matu-192} periyōr ceṉṟa aṭivaḻi piḻaiyātu
{matu-193} kuṭa mutal tōṉṟiya toṉṟu toḻu piṟaiyiṉ
{matu-194} vaḻi vaḻi ciṟakka niṉ valam paṭu koṟṟam
{matu-195} kuṇa mutal tōṉṟiya ār iruḷ matiyiṉ
{matu-196} tēyvaṉa keṭuka niṉ tevvar ākkam
{matu-197} uyarnilai ulakam amiḻtoṭu peṟiṉum
{matu-198} poy cēṇ nīṅkiya vāy naṭpiṉai ē
{matu-199} muḻaṅku kaṭal ēṇi malar talai ulakamoṭu
{matu-200} uyarnta tēettu viḻumiyōr variṉum
{matu-201} pakaivarkku añci paṇintu oḻukalai ē
{matu-202} teṉ pulam maruṅkiṉ viṇṭu niṟaiya
{matu-203} vāṇaṉ vaitta viḻu niti peṟiṉum
{matu-204} paḻi namakku eḻuka eṉṉāy viḻu niti
{matu-205} ītal uḷḷamoṭu icai vēṭkuvai ē
{matu-206} aṉṉāy niṉṉoṭu muṉṉilai evaṉ ō
{matu-207} koṉ oṉṟu kiḷakkuval aṭu pōr aṇṇal
{matu-208} kēṭṭiciṉ vāḻi keṭuka niṉ avalam
{matu-209} keṭātu nilaiiyar niṉ cēṇ viḷaṅku nal icai
{matu-210} tavā perukkattu aṟā yāṇar
{matu-211} aḻittu āṉā koḻum tiṟṟi
{matu-212} iḻittu āṉā pala coṉṟi
{matu-213} uṇṭu āṉā kūr naṟaviṉ
{matu-214} tiṉṟu āṉā iṉam vaikal
{matu-215} nilaṉ eṭukkallā oḷ pal veṟukkai
{matu-216} payaṉ aṟavu aṟiyā vaḷam keḻu tiru nakar
{matu-217} narampiṉ muralum nayam varu muraṟci
{matu-218} viṟaliyar vaṟum kai kuṟum toṭi ceṟippa
{matu-219} pāṇar uvappa kaḷiṟu pala tarīi
{matu-220} kalantōr uvappa eyil pala kaṭaii
{matu-221} maṟam kalaṅka talai ceṉṟu
{matu-222} vāḷ uḻantu ataṉ tāḷ vāḻtti
{matu-223} nāḷ īṇṭiya nal akavarkku
{matu-224} tērōṭu mā citaṟi
{matu-225} cūṭuṟṟa cuṭar pūviṉ
{matu-226} pāṭu pularnta naṟum cāntiṉ
{matu-227} viḻumiya periyōr cuṟṟam āka
{matu-228} kaḷḷiṉ irum paikkalam cela uṇṭu
{matu-229} paṇintōr tēem tam vaḻi naṭappa
{matu-230} paṇiyār tēem paṇittu tiṟai koṇmār
{matu-231} paruntu paṟakkallā pārval pācaṟai
{matu-232} paṭu kaṇ muracam kālai iyampa
{matu-233} veṭi paṭa kaṭantu vēṇṭu pulattu iṟutta
{matu-234} paṇai keḻu perum tiṟal pal vēl maṉṉar
{matu-235} karai porutu iraṅkum kaṉai iru munnīr
{matu-236} tirai iṭu maṇaliṉum palar ē urai cela
{matu-237} malar talai ulakam āṇṭu kaḻintōr ē
{matu-238} ataṉāl kuṇa kaṭal koṇṭu kuṭa kaṭal muṟṟi
{matu-239} iravu um ellai um viḷivu iṭaṉ aṟiyātu
{matu-240} aval um micai um nīr tiraḷpu īṇṭi
{matu-241} kavalai am kuḻumpiṉ aruvi olippa
{matu-242} kaḻai vaḷar cāral kaḷiṟṟu iṉam naṭuṅka
{matu-243} varai mutal iraṅkum ēṟoṭu vāṉ ñemirntu
{matu-244} citaral perum peyal ciṟattaliṉ tāṅkātu
{matu-245} kuṇa kaṭaṟku ivartarum kurūu puṉal unti
{matu-246} nivantu cel nīttam kuḷam koḷa cāṟṟi
{matu-247} kaḷiṟu māykkum katir kaḻaṉi
{matu-248} oḷiṟu ilañci aṭai nivanta
{matu-249} muḷ tāḷa cuṭar tāmarai
{matu-250} kaḷ kamaḻum naṟu neytal
{matu-251} vaḷ itaḻ aviḻ nīlam
{matu-252} mel ilai ari āmpaloṭu
{matu-253} vaṇṭu iṟaikoṇṭa kamaḻ pūm poykai
{matu-254} kampuḷ cēval iṉ tuyil iriya
{matu-255} vaḷḷai nīkki vaya mīṉ mukantu
{matu-256} koḷḷai cāṟṟiya koṭu muṭi valaiñar
{matu-257} vēḻam paḻaṉattu nūḻilāṭṭu
{matu-258} karumpiṉ entiram kaṭpiṉ ōtai
{matu-259} aḷḷal taṅkiya pakaṭu uṟu viḻumam
{matu-260} kaḷ ār kaḷamar peyarkkum ārppu ē
{matu-261} olinta pakaṉṟai viḷainta kaḻaṉi
{matu-262} vaṉ kai viṉaiñar ari paṟai iṉ kural
{matu-263} taḷi maḻai poḻiyum taṇ paraṅkuṉṟil
{matu-264} kali koḷ cummai oli koḷ āyam
{matu-265} tatainta kōtai tāroṭu poliya
{matu-266} puṇarntu uṭaṉ āṭum icai ē aṉaittu um
{matu-267} akal iru vāṉattu imiḻntu iṉitu icaippa
{matu-268} kuruku narala maṉai marattāṉ
{matu-269} mīṉ cīvum pāṇ cēriyoṭu
{matu-270} marutam cāṉṟa taṇ paṇai cuṟṟi oru cār
{matu-271} ciṟu tiṉai koyya kavvai kaṟuppa
{matu-272} karum kāl varakiṉ irum kural pulara
{matu-273} āḻnta kuḻumpil tiru maṇi kiḷara
{matu-274} eḻunta kaṭaṟṟil nal poṉ koḻippa
{matu-275} perum kaviṉ peṟṟa ciṟu talai nauvi
{matu-276} maṭam kaṇ piṇaiyoṭu maṟukuvaṉa ukaḷa
{matu-277} cuṭar pūm koṉṟai tāaya nīḻal
{matu-278} pāayaṉṉa pāṟai aṇintu
{matu-279} nīlattu aṉṉa paim payir micai toṟum
{matu-280} veḷḷi aṉṉa oḷ vī utirntu
{matu-281} curi mukiḻ mucuṇṭaiyoṭu mullai tāay
{matu-282} maṇi maruḷ neytal uṟaḻa kāmar
{matu-283} tuṇi nīr mel aval toyyiloṭu malara
{matu-284} vallōṉ taiiya veṟikkaḷam kaṭuppa
{matu-285} mullai cāṉṟa puṟavu aṇintu oru cār
{matu-286} naṟum kāḻ koṉṟu kōṭṭiṉ vittiya
{matu-287} kuṟum katir tōrai neṭum kāl aiyavi
{matu-288} aivaṉam veṇṇeloṭu aril koḷpu nīṭi
{matu-289} iñci mañcaḷ paim kaṟi piṟa um
{matu-290} pal vēṟu tāramoṭu kal akattu īṇṭi
{matu-291} tiṉai viḷai cāral kiḷi kaṭi pūcal
{matu-292} maṇi pū avarai kurūu taḷir mēyum
{matu-293} āmā kaṭiyum kāṉavar pūcal
{matu-294} cēṇōṉ akaḻnta maṭi vāy payampiṉ
{matu-295} vīḻ mukam kēḻal aṭṭa pūcal
{matu-296} karum kāl vēṅkai irum ciṉai poṅkar
{matu-297} naṟum pū koyyum pūcal irum kēḻ
{matu-298} ēṟu aṭu vaya puli pūcaloṭu aṉaittu um
{matu-299} ilaṅku veḷ aruviyoṭu cilampu akattu iraṭṭa
{matu-300} karum kāl kuṟiñci cāṉṟa veṟpu aṉintu
{matu-301} arum kaṭi mā malai taḻīi oru cār
{matu-302} iru vetir paim tūṟu kūr eri naippa
{matu-303} niḻatta yāṉai mēy pulam paṭara
{matu-304} kalitta iyavar iyam toṭṭaṉṉa
{matu-305} kaṇ viṭupu uṭaiyūu taṭṭai kaviṉ aḻintu
{matu-306} aruvi āṉṟa aṇi il mā malai
{matu-307} vai kaṇṭaṉṉa pul muḷi am kāṭṭu
{matu-308} kamam cūḻ kōṭai viṭar akam mukantu
{matu-309} kāl uṟu kaṭaliṉ olikkum cummai
{matu-310} ilai vēy kurampai uḻai ataḷ paḷḷi
{matu-311} uvalai kaṇṇi vaṉ col iḷaiñar
{matu-312} cilai uṭai kaiyar kavalai kāppa
{matu-313} niḻal uru iḻanta vēṉil kuṉṟattu
{matu-314} pālai cāṉṟa curam cērntu oru cār
{matu-315} muḻaṅku kaṭal tanta viḷaṅku katir muttam
{matu-316} aram pōḻntu aṟutta kaṇ nēr ilaṅku vaḷai
{matu-317} paratar tanta pal vēṟu kūlam
{matu-318} irum kaḻi ceṟuviṉ tīm puḷi veḷ uppu
{matu-319} parantu ōṅku varaippiṉ vaṉ kai timilar
{matu-320} koḻu mīṉ kuṟaiiya tuṭi kaṇ tuṇiyal
{matu-321} viḻumiya nāvāy perunīr ōccunar
{matu-322} naṉam talai tēettu nal kalaṉ uymmār
{matu-323} puṇarntu uṭaṉ koṇarnta puraviyoṭu aṉaittu um
{matu-324} vaikal tōṟum vaḻi vaḻi ciṟappa
{matu-325} neytal cāṉṟa vaḷam pala payiṉṟu āṅku
{matu-326} aim pāl tiṇai um kaviṉi amai vara
{matu-327} muḻavu imiḻum akal āṅkaṇ
{matu-328} viḻavu niṉṟa viyal maṟukiṉ
{matu-329} tuṇaṅkai am taḻūuviṉ maṇam kamaḻ cēri
{matu-330} iṉ kali yāṇar kuḻūu pala payiṉṟu āṅku
{matu-331} pāṭal cāṉṟa nal nāṭṭu naṭuvaṇ
{matu-332} kalai tāya uyar cimaiyattu
{matu-333} mayil akavum mali poṅkar
{matu-334} manti āṭa mā vicumpu ukantu
{matu-335} muḻaṅku kāl poruta maram payil kāviṉ
{matu-336} iyaṅku puṉal koḻitta veḷ talai kuvavu maṇal
{matu-337} kāṉ poḻil taḻīiya aṭai karai tōṟum
{matu-338} tātu cūḻ kōṅkiṉ pū malar tāay
{matu-339} kōtaiyiṉ oḻukum viri nīr nal varal
{matu-340} avir aṟal vaiyai tuṟai tuṟai tōṟum
{matu-341} pal vēṟu pū tiraḷ taṇṭalai cuṟṟi
{matu-342} aḻuntupaṭṭirunta perum pāṇ irukkai um
{matu-343} nilaṉ um vaḷaṉ um kaṇṭu amaikallā
{matu-344} viḷaṅku perum tiruviṉ māṉa viṟal vēḷ
{matu-345} aḻumpil aṉṉa nāṭu iḻantaṉar um
{matu-346} koḻum pal patiya kuṭi iḻantaṉar um
{matu-347} toṉṟu kaṟuttu uṟaiyum tuppu tara vanta
{matu-348} aṇṇal yāṉai aṭu pōr vēntar
{matu-349} iṉ icai muracam iṭai pulattu oḻiya
{matu-350} pal māṟu ōṭṭi peyar puṟam peṟṟu
{matu-351} maṇ uṟa āḻnta maṇi nīr kiṭaṅkiṉ
{matu-352} viṇ uṟa ōṅkiya pal paṭai puricai
{matu-353} tol vali nilaiiya aṇaṅku uṭai neṭu nilai
{matu-354} ney paṭa karinta tiṇ pōr kataviṉ
{matu-355} maḻai āṭum malaiyiṉ nivanta māṭamoṭu
{matu-356} vaiyai aṉṉa vaḻakku uṭai vāyil
{matu-357} vakai peṟa eḻuntu vāṉam mūḻki
{matu-358} cil kāṟṟu icaikkum pal puḻai nal il
{matu-359} yāṟu kiṭantaṉṉa akal neṭum teruvil
{matu-360} pal vēṟu kuḻāattu icai eḻuntu olippa
{matu-361} mā kāl eṭutta munnīr pōla
{matu-362} muḻaṅku icai nal paṇai aṟaivaṉar nuvala
{matu-363} kayam kuṭaintaṉṉa iyam toṭṭu imiḻ icai
{matu-364} makiḻntōr āṭum kali koḷ cummai
{matu-365} ōvu kaṇṭaṉṉa iru peru niyamattu
{matu-366} cāṟu ayarntu eṭutta uruva pal koṭi
{matu-367} vēṟu pal peyara ār eyil koḷa koḷa
{matu-368} nāḷ tōṟu eṭutta nalampeṟu puṉai koṭi
{matu-369} nīr olittaṉṉa nilavu vēl tāṉaiyoṭu
{matu-370} pulavu paṭa koṉṟu miṭai tōl ōṭṭi
{matu-371} pukaḻ ceytu eṭutta viṟal cāl nal koṭi
{matu-372} kaḷḷiṉ kaḷi navil koṭiyoṭu nal pala
{matu-373} pal vēṟu kuḻūu koṭi patākai nilaii
{matu-374} peru varai maruṅkiṉ aruviyiṉ nuṭaṅka
{matu-375} paṉai mīṉ vaḻaṅkum vaḷai mēy parappiṉ
{matu-376} vīṅku piṇi nōṉ kayiṟu arīi itai puṭaiyū
{matu-377} kūmpu mutal muruṅka eṟṟi kāyntu uṭaṉ
{matu-378} kaṭum kāṟṟu eṭuppa kal porutu uraii
{matu-379} neṭum cuḻi paṭṭa nāvāy pōla
{matu-380} iru talai paṇilam ārppa ciṉam ciṟantu
{matu-381} kōlōr koṉṟu mēlōr vīci
{matu-382} mel piṇi vaṉ toṭar pēṇātu kāḻ cāyttu
{matu-383} kantu nīttu uḻitarum kaṭāa yāṉai um
{matu-384} am kaṇ māl vicumpu putaiya vaḷi pōḻntu
{matu-385} oḷ katir ñāyiṟṟu ūṟu aḷavā tiritarum
{matu-386} ce kāl aṉṉattu cēval aṉṉa
{matu-387} kurūu mayir puravi urāliṉ pari nimirntu
{matu-388} kāl eṉa kaṭukkum kaviṉ peṟu tēr um
{matu-389} koṇṭa kōlaṉ koḷkai naviṟṟaliṉ
{matu-390} aṭi paṭu maṇṭilattu āti pōkiya
{matu-391} koṭi paṭu cuvala viṭu mayir puravi um
{matu-392} vēḻattu aṉṉa veru varu celaviṉ
{matu-393} kaḷ ār kaḷamar irum ceru mayakkam um
{matu-394} ariya um periya um varuvaṉa peyartaliṉ
{matu-395} tīm puḻal valci kaḻal kāl maḻavar
{matu-396} pūm talai muḻaviṉ nōṉ talai kaṭuppa
{matu-397} piṭakai peyta kamaḻ naṟum pūviṉar
{matu-398} pala vakai viritta etir pūm kōtaiyar
{matu-399} palar tokupu iṭitta tātu uku cuṇṇattar
{matu-400} takai cey tīm cēṟṟu iṉ nīr pacum kāy
{matu-401} nīṭu koṭi ilaiyiṉar kōṭu cuṭu nūṟṟiṉar
{matu-402} iru talai vanta pakai muṉai kaṭuppa
{matu-403} iṉ uyir añci iṉṉā veytu uyirttu
{matu-404} ēṅkuvaṉar iruntu avai nīṅkiya piṉṟai
{matu-405} pal vēṟu paṇṇiyam taḻīi tiri vilaiñar
{matu-406} malai purai māṭattu koḻu niḻal iruttara
{matu-407} irum kaṭal vāṉ kōṭu puraiya vāruṟṟu
{matu-408} perum piṉṉiṭṭa vāl narai kūntalar
{matu-409} naṉṉar nalattar tol mutu peṇṭir
{matu-410} ce nīr pacum poṉ puṉainta pāvai
{matu-411} cel cuṭar pacu veyil tōṉṟiyaṉṉa
{matu-412} ceyyar ceyirtta nōkkiṉar maṭam kaṇ
{matu-413} aiiya kaluḻum māmaiyar vai eyiṟṟu
{matu-414} vārnta vāyar vaṇaṅku iṟai paṇai tōḷ
{matu-415} cōrntu ukuvaṉṉa vayakkuṟu vantikai
{matu-416} toyyil poṟitta cuṇaṅku etir iḷa mulai
{matu-417} mai ukkaṉṉa moy irum kūntal
{matu-418} mayil iyalōr um maṭam moḻiyōr um
{matu-419} kaii mellitiṉ otuṅki kai eṟintu
{matu-420} kallā māntaroṭu nakuvaṉar tiḷaippa
{matu-421} puṭai amai polinta vakai amai ceppil
{matu-422} kāmar uruviṉ tām vēṇṭu paṇṇiyam
{matu-423} kamaḻ naṟum pūvoṭu maṉai maṉai maṟuka
{matu-424} maḻai koḷa kuṟaiyātu puṉal puka mikātu
{matu-425} karai porutu iraṅkum munnīr pōla
{matu-426} koḷa koḷa kuṟaiyātu tara tara mikātu
{matu-427} kaḻunīr koṇṭa eḻu nāḷ anti
{matu-428} āṭu tuvaṉṟu viḻaviṉ nāṭu ārttaṉṟu ē
{matu-429} māṭam piṟaṅkiya mali pukaḻ kūṭal
{matu-430} nāḷaṅkāṭi naṉam talai kampalai
{matu-431} veyil katir maḻuṅkiya paṭar kūr ñāyiṟṟu
{matu-432} cekkar aṉṉa civantu nuṇaṅku uruviṉ
{matu-433} kaṇ porupu ukūum oḷ pū kaliṅkam
{matu-434} poṉ puṉai vāḷoṭu poliya kaṭṭi
{matu-435} tiṇ tēr pirampiṉ puraḷum tāṉai
{matu-436} kaccam tiṉṟa kaḻal tayaṅku tiruntu aṭi
{matu-437} moympu iṟantu tiritarum oru perum teriyal
{matu-438} maṇi toṭarntaṉṉa oḷ pūm kōtai
{matu-439} aṇi kiḷar mārpiṉ āramoṭu aḷaii
{matu-440} kāl iyakku aṉṉa kataḻ pari kaṭaii
{matu-441} kālōr kāppa kāl eṉa kaḻiyum
{matu-442} vāṉa vaṇ kai vaḷam keḻu celvar
{matu-443} nāḷ makiḻ irukkai kāṇmār pūṇoṭu
{matu-444} teḷ ari poṉ cilampu olippa oḷ aḻal
{matu-445} tā aṟa viḷaṅkiya āy poṉ avir iḻai
{matu-446} aṇaṅku vīḻvu aṉṉa pūm toṭi makaḷir
{matu-447} maṇam kamaḻ nāṟṟam teru uṭaṉ kamaḻa
{matu-448} oḷ kuḻai tikaḻum oḷi keḻu tiru mukam
{matu-449} tiṇ kāḻ ēṟṟa viyal iru vilōtam
{matu-450} teḷ kaṭal tiraiyiṉ acai vaḷi puṭaippa
{matu-451} nirai nilai māṭattu aramiyam tōṟum
{matu-452} maḻai māy matiyiṉ tōṉṟupu maṟaiya
{matu-453} nīr um nilaṉ um tī um vaḷi um
{matu-454} māka vicumpōṭu aintu uṭaṉ iyaṟṟiya
{matu-455} maḻu vāḷ neṭiyōṉ talaivaṉ āka
{matu-456} mācu aṟa viḷaṅkiya yākkaiyar cūḻ cuṭar
{matu-457} vāṭā pūviṉ imaiyā nāṭṭattu
{matu-458} nāṟṟa uṇaviṉ uru keḻu periyōrkku
{matu-459} māṟṟu aru marapiṉ uyar pali koṭumār
{matu-460} anti viḻavil tūriyam kaṟaṅka
{matu-461} tiṇ katir matāṇi oḷ kuṟumākkaḷai
{matu-462} ōmpiṉar taḻīi tām puṇarntu muyaṅki
{matu-463} tātu aṇi tāmarai pōtu piṭittāṅku
{matu-464} tām um avar um ōrāṅku viḷaṅka
{matu-465} kāmar kaviṉiya pēr iḷam peṇṭir
{matu-466} pūviṉar pukaiyiṉar toḻuvaṉar paḻicci
{matu-467} ciṟantu puṟaṅkākkum kaṭavuḷ paḷḷi um
{matu-468} ciṟanta vētam viḷaṅka pāṭi
{matu-469} viḻu cīr eytiya oḻukkamoṭu puṇarntu
{matu-470} nilam amar vaiyattu oru tām āki
{matu-471} uyarnilai ulakam ivaṇ niṉṟu eytum
{matu-472} aṟam neṟi piḻaiyā aṉpu uṭai neñciṉ
{matu-473} periyōr mēey iṉitiṉ uṟaiyum
{matu-474} kuṉṟu kuyiṉṟaṉṉa antaṇar paḷḷi um
{matu-475} vaṇṭu paṭa paḻuniya tēṉ ār tōṟṟattu
{matu-476} pū um pukai um cāvakar paḻicca
{matu-477} ceṉṟa kālam um varūum amayam um
{matu-478} iṉṟu ivaṇ tōṉṟiya oḻukkamoṭu naṉku uṇarntu
{matu-479} vāṉam um nilaṉ um tām muḻutu uṇarum
{matu-480} cāṉṟa koḷkai cāyā yākkai
{matu-481} āṉṟu aṭaṅku aṟiñar ceṟintaṉar nōṉmār
{matu-482} kal poḷintaṉṉa iṭṭu vāy karaṇṭai
{matu-483} pal puri cimili nāṟṟi nalku vara
{matu-484} kayam kaṇṭaṉṉa vayaṅku uṭai nakarattu
{matu-485} cempu iyaṉṟaṉṉa ce cuvar puṉaintu
{matu-486} nōkku vicai tavirppa mēkku uyarntu ōṅki
{matu-487} iṟumpūtu cāṉṟa naṟum pūm cēkkai um
{matu-488} kuṉṟu pala kuḻīi polivaṉa tōṉṟa
{matu-489} accam um avalam um ārvam um nīkki
{matu-490} ceṟṟam um uvakai um ceyyātu kāttu
{matu-491} ñemaṉ kōl aṉṉa cemmaittu āki
{matu-492} ciṟanta koḷkai aṟam kūṟu avaiyam um
{matu-493} naṟum cāntu nīviya kēḻ kiḷar akalattu
{matu-494} āvuti maṇṇi avir tukil muṭittu
{matu-495} mā vicumpu vaḻaṅkum periyōr pōla
{matu-496} naṉṟu um tītu um kaṇṭu āyntu aṭakki
{matu-497} aṉpu um aṟaṉ um oḻiyātu kāttu
{matu-498} paḻi orīi uyarntu pāy pukaḻ niṟainta
{matu-499} cemmai cāṉṟa kāviti mākkaḷ um
{matu-500} aṟam neṟi piḻaiyātu āṟṟiṉ oḻuki
{matu-501} kuṟum pal kuḻuviṉ kuṉṟu kaṇṭaṉṉa
{matu-502} paruntu iruntu ukakkum pal māṇ nal il
{matu-503} pal vēṟu paṇṭamōṭu ūṇ malintu kaviṉi
{matu-504} malaiya um nilatta um nīra um piṟa um
{matu-505} pal vēṟu tiru maṇi muttamoṭu poṉ koṇṭu
{matu-506} ciṟanta tēettu paṇṇiyam pakarnar um
{matu-507} maḻai oḻukku aṟāa piḻaiyā viḷaiyuḷ
{matu-508} paḻaiyaṉ mōkūr avai akam viḷaṅka
{matu-509} nāṉ moḻi kōcar tōṉṟiyaṉṉa
{matu-510} tām mēem tōṉṟiya nāl perum kuḻu um
{matu-511} kōṭu pōḻ kaṭainar um tiru maṇi kuyiṉar um
{matu-512} cūṭuṟu nal poṉ cuṭar iḻai puṉainar um
{matu-513} poṉ urai kāṇmar um kaliṅkam pakarnar um
{matu-514} cempu niṟai koṇmar um vampu niṟai muṭinar um
{matu-515} pū um pukai um āyum mākkaḷ um
{matu-516} e vakai ceyti um uvamam kāṭṭi
{matu-517} nuṇṇitiṉ uṇarnta nuḻainta nōkkiṉ
{matu-518} kaṇṇuḷ viṉaiñar um piṟar um kūṭi
{matu-519} teḷ tirai avir aṟal kaṭuppa oḷ pal
{matu-520} kuṟiya um neṭiya um maṭi tarūu virittu
{matu-521} ciṟiyar um periyar um kammiyar kuḻīi
{matu-522} nāl vēṟu teruviṉum kāl uṟa niṟṟara
{matu-523} koṭum paṟai kōṭiyar kaṭumpu uṭaṉ vāḻttum
{matu-524} taṇ kaṭal nāṭaṉ oḷ pūm kōtai
{matu-525} peru nāḷ irukkai viḻumiyōr kuḻīi
{matu-526} viḻaivu koḷ kampalai kaṭuppa pala uṭaṉ
{matu-527} cēṟu um nāṟṟam um palaviṉ cuḷai um
{matu-528} vēṟupaṭa kaviṉiya tēm mā kaṉi um
{matu-529} pal vēṟu uruviṉ kāy um paḻaṉ um
{matu-530} koṇṭal vaḷarppa koṭi viṭupu kaviṉi
{matu-531} mel piṇi aviḻnta kuṟu muṟi aṭaku um
{matu-532} amirtu iyaṉṟaṉṉa tīm cēṟṟu kaṭikai um
{matu-533} pukaḻ paṭa paṇṇiya pēr ūṉ cōṟu um
{matu-534} kīḻ cela vīḻnta kiḻaṅkoṭu piṟa um
{matu-535} iṉ cōṟu tarunar pal vayiṉ nukara
{matu-536} vāl itai eṭutta vaḷi taru vaṅkam
{matu-537} pal vēṟu paṇṭam iḻitarum paṭṭiṉattu
{matu-538} olleṉ imiḻ icai māṉa kalleṉa
{matu-539} naṉam talai viṉaiñar kalam koṇṭu maṟuka
{matu-540} perum kaṭal kuṭṭattu pulavu tirai ōtam
{matu-541} irum kaḻi maruvi pāya peritu eḻuntu
{matu-542} uru keḻu pāṉāḷ varuvaṉa peyartaliṉ
{matu-543} pal vēṟu puḷḷiṉ icai eḻuntaṟṟu ē
{matu-544} allaṅkāṭi aḻi taru kampalai
{matu-545} oḷ cuṭar uruppu oḷi maḻuṅka ciṉam taṇintu
{matu-546} ceṉṟa ñāyiṟu naṉpakal koṇṭu
{matu-547} kuṭa mutal kuṉṟam cēra kuṇa mutal
{matu-548} nāḷ mutir matiyam tōṉṟi nilā viripu
{matu-549} pakal uru uṟṟa iravu vara nayantōr
{matu-550} kātal iṉ tuṇai puṇarmār āy itaḻ
{matu-551} taṇ naṟum kaḻunīr tuṇaippa iḻai puṉaiyūu
{matu-552} nal neṭum kūntal naṟu virai kuṭaiya
{matu-553} narantam araippa naṟum cāntu maṟuka
{matu-554} mel nūl kaliṅkam kamaḻ pukai maṭuppa
{matu-555} peṇ makiḻvuṟṟa piṇai nōkku makaḷir
{matu-556} neṭum cuṭar viḷakkam koḷīi neṭu nakar
{matu-557} ellai ellām nōyoṭu pukuntu
{matu-558} kalleṉ mālai nīṅka nāṇu koḷa
{matu-559} ēḻ puṇar ciṟappiṉ iṉ toṭai cīṟu yāḻ
{matu-560} tāḻ peyal kaṉai kural kaṭuppa paṇṇu peyarttu
{matu-561} vīḻ tuṇai taḻīi viyal vicumpu kamaḻa
{matu-562} nīr tiraṇṭaṉṉa kōtai piṟakku iṭṭu
{matu-563} āy kōl avir toṭi viḷaṅka vīci
{matu-564} pōtu aviḻ putu malar teru uṭaṉ kamaḻa
{matu-565} mētaku takaiya miku nalam eyti
{matu-566} perum pal kuvaḷai curumpu paṭu pal malar
{matu-567} tiṟantu mōntaṉṉa ciṟantu kamaḻ nāṟṟattu
{matu-568} koṇṭal malar putal māṉam pū vēyntu
{matu-569} nuṇ pūṇ ākam vaṭu koḷa muyaṅki
{matu-570} māya poy pala kūṭṭi kavavu karantu
{matu-571} cēyar um naṇiyar um nalaṉ nayantu vanta
{matu-572} iḷam pal celvar vaḷam tapa vāṅki
{matu-573} nuṇ tātu uṇṭu vaṟum pū tuṟakkum
{matu-574} mel ciṟai vaṇṭu iṉam māṉa puṇarntōr
{matu-575} neñcu ēmāppa iṉ tuyil tuṟantu
{matu-576} paḻam tēr vāḻkkai paṟavai pōla
{matu-577} koḻum kuṭi celvar um piṟar um mēeya
{matu-578} maṇam puṇarntu ōṅkiya aṇaṅku uṭai nal il
{matu-579} āy poṉ avir toṭi pācu iḻai makaḷir
{matu-580} oḷ cuṭar viḷakkattu palar uṭaṉ tuvaṉṟi
{matu-581} nīl niṟam vicumpil amarntaṉar āṭum
{matu-582} vāṉavamakaḷir māṉa kaṇṭōr
{matu-583} neñcu naṭukkuṟūu koṇṭi makaḷir
{matu-584} yāma nal yāḻ nāppaṇ niṉṟa
{matu-585} muḻaviṉ makiḻntaṉar āṭi kuṇṭu nīr
{matu-586} paṉi tuṟai kuvavu maṇal muṉaii mel taḷir
{matu-587} koḻum kompu koḻuti nīr naṉai mēvara
{matu-588} neṭum toṭar kuvaḷai vaṭimpu uṟa aṭaicci
{matu-589} maṇam kamaḻ maṉai toṟum poytal ayara
{matu-590} kaṇam koḷ avuṇar kaṭanta polam tār
{matu-591} māyōṉ mēya ōṇa naṉṉāḷ
{matu-592} kōṇam tiṉṟa vaṭu āḻ mukatta
{matu-593} cāṇam tiṉṟa camam tāṅku taṭam kai
{matu-594} maṟam koḷ cēri māṟu poru ceruvil
{matu-595} māṟātu uṟṟa vaṭu paṭu neṟṟi
{matu-596} curumpu ār kaṇṇi perum pukal maṟavar
{matu-597} kaṭum kaḷiṟu ōṭṭaliṉ kāṇunar iṭṭa
{matu-598} neṭum karai kāḻakam nilam paral uṟuppa
{matu-599} kaṭum kaḷ tēṟal makiḻ ciṟantu tiritara
{matu-600} kaṇavar uvappa putalvar payantu
{matu-601} paṇaittu ēntu iḷa mulai amutam ūṟa
{matu-602} pulavu puṉiṟu tīrntu polinta cuṟṟamoṭu
{matu-603} vaḷam maṉai makaḷir kuḷam nīr ayara
{matu-604} tivavu meym niṟuttu cevvaḻi paṇṇi
{matu-605} kural puṇar nal yāḻ muḻavōṭu oṉṟi
{matu-606} nuṇ nīr ākuḷi iraṭṭa pala uṭaṉ
{matu-607} oḷ cuṭar viḷakkam muntuṟa maṭaiyoṭu
{matu-608} nal mā mayiliṉ meṉmela iyali
{matu-609} kaṭum cūlmakaḷir pēṇi kaitoḻutu
{matu-610} perum tōḷ cāliṉi maṭuppa oru cār
{matu-611} arum kaṭi vēlaṉ murukoṭu vaḷaii
{matu-612} ari kūṭu iṉ iyam kaṟaṅka nēr niṟuttu
{matu-613} kār malar kuṟiñci cūṭi kaṭampiṉ
{matu-614} cīr miku neṭu vēḷ pēṇi taḻūu piṇaiyūu
{matu-615} maṉṟu toṟum niṉṟa kuravai cēri toṟum
{matu-616} urai um paṭṭu um āṭṭu um viraii
{matu-617} vēṟu vēṟu kampalai veṟi koḷpu mayaṅki
{matu-618} pēr icai naṉṉaṉ peṟum peyar naṉṉāḷ
{matu-619} cēri viḻaviṉ ārppu eḻuntāṅku
{matu-620} muntai yāmam ceṉṟa piṉṟai
{matu-621} paṇilam kali avintu aṭaṅka kāḻ cāyttu
{matu-622} noṭai navil neṭum kaṭai aṭaittu maṭam matar
{matu-623} oḷ iḻai makaḷir paḷḷi ayara
{matu-624} nal vari iṟāal puraiyum mel aṭai
{matu-625} ayir uruppu uṟṟa āṭu amai vicayam
{matu-626} kavavoṭu piṭitta vakai amai mōtakam
{matu-627} tīm cēṟṟu kūviyar tūṅkuvaṉar uṟaṅka
{matu-628} viḻaviṉ āṭum vayiriyar maṭiya
{matu-629} pāṭu āṉṟu avinta paṉi kaṭal puraiya
{matu-630} pāyal vaḷarvōr kaṇ iṉitu maṭuppa
{matu-631} pāṉāḷ koṇṭa kaṅkul iṭaiyatu
{matu-632} pēy um aṇaṅku um uruvu koṇṭu āy kōl
{matu-633} kūṟṟa kol tēr kaḻutoṭu koṭpa
{matu-634} irum piṭi mēem tōl aṉṉa iruḷ cērpu
{matu-635} kal um maraṉ um tuṇikkum kūrmai
{matu-636} toṭalai vāḷar toṭutōl aṭiyar
{matu-637} kuṟaṅku iṭai patitta kūr nuṉai kuṟum piṭi
{matu-638} ciṟanta karumai nuṇ viṉai nuṇaṅku aṟal
{matu-639} niṟam kavarpu puṉainta nīlam kacciṉar
{matu-640} mel nūl ēṇi pal māṇ cuṟṟiṉar
{matu-641} nilaṉ akaḻ uḷiyar kalaṉ nacaii koṭkum
{matu-642} kaṇ māṟu āṭavar oṭukkam oṟṟi
{matu-643} vaya kaḷiṟu pārkkum vaya puli pōla
{matu-644} tuñcā kaṇṇar añcā koḷkaiyar
{matu-645} aṟintōr pukaḻnta āṇmaiyar ceṟinta
{matu-646} nūl vaḻi piḻaiyā nuṇaṅku nuṇ tērcci
{matu-647} ūr kāppāḷar ūkku arum kaṇaiyiṉar
{matu-648} tēr vaḻaṅku teruvil nīr tiraṇṭu oḻuka
{matu-649} maḻai amaintu uṟṟa araināḷ amayam um
{matu-650} acaivu ilar eḻuntu nayam vantu vaḻaṅkaliṉ
{matu-651} kaṭavuḷ vaḻaṅkum kaiyaṟu kaṅkul um
{matu-652} accam aṟiyātu ēmam ākiya
{matu-653} maṟṟu ai yāmam pakal uṟa kaḻippi
{matu-654} pōtu piṇi viṭṭa kamaḻ naṟum poykai
{matu-655} tātu uṇ tumpi pōtu muraṉṟāṅku
{matu-656} ōtal antaṇar vētam pāṭa
{matu-657} cīr iṉitu koṇṭu narampu iṉitu iyakki
{matu-658} yāḻōr marutam paṇṇa kāḻōr
{matu-659} kaṭum kaḷiṟu kavaḷam kaippa neṭum tēr
{matu-660} paṇai nilai puravi pul uṇā teviṭṭa
{matu-661} pal vēṟu paṇṇiya kaṭai meḻukku uṟuppa
{matu-662} kaḷḷōr kaḷi noṭai nuvala illōr
{matu-663} nayanta kātalar kavavu piṇi tuñci
{matu-664} pularntu viri viṭiyal eyta virumpi
{matu-665} kaṇ porā eṟikkum miṉṉu koṭi puraiya
{matu-666} oḷ poṉ avir iḻai teḻippa iyali
{matu-667} tiṇ cuvar nal il katavam karaiya
{matu-668} uṇṭu makiḻ taṭṭa maḻalai nāviṉ
{matu-669} paḻam cerukkāḷar taḻaṅku kural tōṉṟa
{matu-670} cūtar vāḻtta mākatar nuvala
{matu-671} vētāḷikaroṭu nāḻikai icaippa
{matu-672} imiḻ muracu iraṅka ēṟu māṟu cilaippa
{matu-673} poṟi mayir vāraṇam vaikaṟai iyampa
{matu-674} yāṉaiyaṅkurukiṉ cēvaloṭu kāmar
{matu-675} aṉṉam karaiya aṇi mayil akava
{matu-676} piṭi puṇar perum kaḷiṟu muḻaṅka muḻu vali
{matu-677} kūṭṭu uṟai vaya mā puliyoṭu kuḻuma
{matu-678} vāṉam nīṅkiya nīl niṟam vicumpiṉ
{matu-679} miṉṉu nimirntaṉaiyar āki naṟavu makiḻntu
{matu-680} māṇ iḻai makaḷir pulantaṉar parinta
{matu-681} parūu kāḻ āram corinta muttamoṭu
{matu-682} poṉ cuṭu neruppiṉ nilam ukku eṉṉa
{matu-683} am mel kurumpai kāy paṭupu piṟa um
{matu-684} taru maṇal muṟṟattu ari ñimiṟu ārppa
{matu-685} mel pūm cemmaloṭu nal kalam cīppa
{matu-686} iravu talaippeyarum ēmam vaikaṟai
{matu-687} mai paṭu perum tōḷ maḻavar ōṭṭi
{matu-688} iṭai pulattu oḻinta ēntu kōṭṭu yāṉai
{matu-689} pakai pulam kavarnta pāy pari puravi
{matu-690} vēl kōl āka āḷ cela nūṟi
{matu-691} kāy ciṉam muṉpiṉ kaṭuṅkaṇ kūḷiyar
{matu-692} ūr cuṭu viḷakkiṉ tanta āyam um
{matu-693} nāṭu uṭai nal eyil aṇaṅku uṭai tōṭṭi
{matu-694} nāḷ toṟum viḷaṅka kaitoḻūu paḻicci
{matu-695} nāḷ tara vanta viḻu kalam aṉaittu um
{matu-696} kaṅkai am pēr yāṟu kaṭal paṭarntāṅku
{matu-697} aḷantu kaṭai aṟiyā vaḷam keḻu tāramoṭu
{matu-698} puttēḷ ulakam kaviṉi kāṇ vara
{matu-699} mikku pukaḻ eytiya perum peyar maturai
{matu-700} ciṉai talaimaṇanta curumpu paṭu ce tī
{matu-701} oḷ pūm piṇṭi aviḻnta kāvil
{matu-702} cuṭar poḻintu ēṟiya viḷaṅku katir ñāyiṟṟu
{matu-703} ilaṅku katir iḷa veyil tōṉṟiyaṉṉa
{matu-704} tamaṉiyam vaḷaiiya tāvu il viḷaṅku iḻai
{matu-705} nilam viḷakkuṟuppa mētaka polintu
{matu-706} mayil ōraṉṉa cāyal māviṉ
{matu-707} taḷir ēr aṉṉa mēṉi taḷir puṟattu
{matu-708} īrkkiṉ arumpiya titalaiyar kūr eyiṟṟu
{matu-709} oḷ kuḻai puṇariya vaṇ tāḻ kātiṉ
{matu-710} kaṭavuḷ kayattu amaṉṟa cuṭar itaḻ tāmarai
{matu-711} tātu paṭu perum pōtu puraiyum vāḷ mukattu
{matu-712} āy toṭi makaḷir naṟum tōḷ puṇarntu
{matu-713} kōtaiyiṉ polinta cēkkai tuñci
{matu-714} tiruntu tuyil eṭuppa iṉitiṉ eḻuntu
{matu-715} tiṇ kāḻ āram nīvi katir viṭum
{matu-716} oḷ kāḻ āram kavaiiya mārpiṉ
{matu-717} vari kaṭai piracam mūcuvaṉa moyppa
{matu-718} eruttam tāḻnta viravu pūm teriyal
{matu-719} polam ceya polinta nalampeṟu viḷakkam
{matu-720} vali keḻu taṭam kai toṭiyoṭu cuṭarvara
{matu-721} cōṟu amaivuṟṟa nīr uṭai kaliṅkam
{matu-722} uṭai aṇi poliya kuṟaivu iṉṟu kavaii
{matu-723} vallōṉ taiiya vari puṉai pāvai
{matu-724} muruku iyaṉṟaṉṉa uruviṉai āki
{matu-725} varu puṉal kaṟciṟai kaṭuppa iṭai aṟuttu
{matu-726} oṉṉār ōṭṭiya ceru pukal maṟavar
{matu-727} vāḷ valam puṇarnta niṉ tāḷ valam vāḻtta
{matu-728} villai kavaii kaṇai tāṅku mārpiṉ
{matu-729} mā tāṅku eṟuḻ tōḷ maṟavar tammiṉ
{matu-730} kal iṭittu iyaṟṟiya iṭṭu vāy kiṭaṅkiṉ
{matu-731} nal eyil uḻanta celvar tammiṉ
{matu-732} kol ēṟṟu paim tōl cīvātu pōrtta
{matu-733} mā kaṇ muracam ōvu ila kaṟaṅka
{matu-734} eri nimirntaṉṉa tāṉai nāppaṇ
{matu-735} peru nal yāṉai pōr kaḷattu oḻiya
{matu-736} viḻumiya vīḻnta kuricilar tammiṉ
{matu-737} puraiyōrkku toṭutta polam pūm tumpai
{matu-738} nīr yār eṉṉātu muṟai karutupu cūṭṭi
{matu-739} kāḻ maṇṭu eḵkamoṭu kaṇai alai kalaṅki
{matu-740} piripu iṇai arinta niṟam citai kavayattu
{matu-741} vāṉattu aṉṉa vaḷa nakar poṟpa
{matu-742} nōṉ kuṟaṭṭu aṉṉa ūṉ cāy mārpiṉ
{matu-743} uyarnta utavi ūkkalar tammiṉ
{matu-744} nivanta yāṉai kaṇam nirai kavarnta
{matu-745} pularnta cāntiṉ viravu pūm teriyal
{matu-746} perum cey āṭavar tammiṉ piṟar um
{matu-747} yāvar um varuka ēṉōr um tam eṉa
{matu-748} varaiyā vāyil ceṟāatu iruntu
{matu-749} pāṇar varuka pāṭṭiyar varuka
{matu-750} yāṇar pulavaroṭu vayiriyar varuka eṉa
{matu-751} irum kiḷai purakkum iravalarkku ellām
{matu-752} koṭuñci neṭum tēr kaḷiṟṟoṭu um vīci
{matu-753} kaḷam tōṟum kaḷ arippa
{matu-754} maram tōṟum mai vīḻppa
{matu-755} niṇam ūṉ cuṭṭu urukku amaiya
{matu-756} ney kaṉintu vaṟai ārppa
{matu-757} kurūu kuy pukai maḻai maṅkuliṉ
{matu-758} parantu tōṉṟā viyal nakarāl
{matu-759} pal cālai mutu kuṭumiyiṉ
{matu-760} nal vēḷvi tuṟaipōkiya
{matu-761} tol āṇai nal āciriyar
{matu-762} puṇar kūṭṭu uṇṭa pukaḻ cāl ciṟappiṉ
{matu-763} nilam taru tiruviṉ neṭiyōṉ pōla
{matu-764} viyappu um cālpu um cemmai cāṉṟōr
{matu-765} palar vāy pukar aṟu ciṟappiṉ tōṉṟi
{matu-766} ariya tantu kuṭi akaṟṟi
{matu-767} periya kaṟṟu icai viḷakki
{matu-768} munnīr nāppaṇ ñāyiṟu pōla um
{matu-769} pal mīṉ naṭuvaṇ tiṅkaḷ pōla um
{matu-770} pūtta cuṟṟamoṭu polintu iṉitu viḷaṅki
{matu-771} poyyā nal icai niṟutta puṉai tār
{matu-772} perum peyar māṟaṉ talaivaṉ āka
{matu-773} kaṭantu aṭu vāy vāḷ iḷam pal kōcar
{matu-774} iyal neṟi marapiṉ niṉ vāymoḻi kēṭpa
{matu-775} polam pūṇ aivar uṭpaṭa pukaḻnta
{matu-776} maṟam miku ciṟappiṉ kuṟunilamaṉṉar
{matu-777} avar um piṟar um tuvaṉṟi
{matu-778} poṟpu viḷaṅku pukaḻ avai niṉ pukaḻntu ētta
{matu-779} ilaṅku iḻai makaḷir polam kalattu ēntiya
{matu-780} maṇam kamaḻ tēṟal maṭuppa nāḷ um
{matu-781} makiḻntu iṉitu uṟaimati peruma
{matu-782} varaintu nī peṟṟa nal ūḻiyai ē